Psa 116 | PONPDN | STEP | I KIN pok ong leowa, pwe a kotin ereki ngil ai o ai ngidingid.

Psalms 116

1 I KIN pok ong leowa, pwe a kotin ereki ngil ai o ai ngidingid.
2 Pwe a kotin kapaike dong ia karong a, i me i pan likwir wong i arain maur i.
3 Sal en mela sali ia dier, o kamasak en pased lel ong ia, i lel onger kalokolok o mamauk.
4 I ap likwir won mar en leowa: Maing leowa, kom kotin dorela maur i!
5 leowa me dir en mak o pung, o atail Kot me dir en kalangan.
6 leowa kin kotin apapwali me opampap akan; ngai luetalar, i ap kotin dore ia lar.
7 NGen i pur ong om moleilei, pwe leowa kotin sauasa uk mau.
8 Pwe kom me kotin dorelar maur i sang nan mela, o por en mas ai sang sangesang, o na i sang a pan krisedi.
9 I pan weweid mon leowa nan sap en me maur akan.
10 I liki, o i karepen ai padapadak; a i kin kalokolok laud.
11 I indinda ni ai insensued: Aramas karos me likam!
12 Iaduen i pan kak depuk ong leowa a kapai ia kan?
13 I pan ale dal en kamaur, o likwir ong mar en leowa.
14 I pan kapwai ong Ieowa ai inau sansal mon sapwilim a aramas akan karos.
15 Meid kasampwal ren Ieowa melan sapwilim a lelapok kan.
16 O Maing leowa, ngai sapwilim omui ladu men, ngai sapwilim omui ladu, nain omui lidu; kom kotin kamueit pasang ai sal akan
17 I pan mairongki ong komui danke, o likwir ong mar en Ieowa.
18 I pan kapwai ong Ieowa ai inau sansal mon sapwilim a aramas akan karos.
19 Mon pera en tanpas omui im saraui, nan warong en Ierusalem Aleluia!